🐄率先預約薄鳧林牧場導賞團 !🐮🐄

 

小介紹💬

薄鳧林牧埸前身為舊牛奶公司高級職員宿舍「寶馬」（Braemar），現為一級歷史建築👍。

舊牛奶公司高級職員宿舍復修至1919年的面貌🙀成百年前架!

原來香港以前曾經有自家牧場生產牛奶及奶製品🐄❕

1886年，來自蘇格蘭的白文信醫生，希望推廣飲牛奶(之前無牛奶架😫)以改善港人健康，創立咗牛奶公司，係薄扶林山頭建立牧場，全盛時期飼養近🐄🐄🐄🐄🐄🐄🐄🐄🐄🐄二千頭乳牛，成個山頭都係牛吃草呀😝。

1985年 - 牧場關閉變成華富邨、置富花園、碧瑤灣等，還有瑪麗醫院🏡

牧埸屬發展局第四期活化歷史建築伙伴計劃，由香港明愛及薄扶林村文化地境保育有限公司共同策劃及營運，實踐薄扶林獨特工農業歷史文化地境的保育與文化創造歷程。


👉預約網址
建議揀薄鳧林牧場導賞參觀👫
  • 免費😊(1張飛6蚊手續費預約平台收)
  • 聽下故仔，認識舊香港💓
因為地方細細，未正式開放，好易滿額架!👀

預約攻略😄

  • 提早做定👉撲飛 會員，諗好日子
  • 登入定
  • 👀捕住薄鳧林牧場FB (例子: 20/10可以預約11月份日子📅)



導賞團內容😚
時間: 約30分鐘
由職員/村民帶領，會講下舊時係點，同埋點樣成功保育到現址，以及現時仲有3千人居住的薄扶林村同以前牛奶公司的關係👪

英國人過黎香港住，間屋搵香港人起，但都加左好多英國風設計架!👑堅係中西合壁!
屋頂係採用特製的中式雙筒雙瓦金字屋頂設計，加強通風又防止漏水，係香港第二度都未必有呀🏠!


薄鳧林個鳧字係古字，係野鴨咁解🦆，以前係用鳧字架!（音：扶）以凸顯當地悠久的歷史!

清朝嘉慶年間編修的《新安縣志》已有這地名的記載。「薄鳧」是一種鳥類的名字，常於當地樹林棲息，當地便稱為「薄鳧林」。

依個窗係導賞小姐開畀我地睇!(大家唔好自己開呀)堅係涼爽捨意，豁然開朗😆仲望到隻假牛!

古式壁爐
依個壁爐係原裝架，連埋地下磚都保存到，年紀大過你同我呀!👨

圈住果層係當地下室咁用架，原來係英國人覺得香港太潮濕💦💦喇，非常唔習慣😟，於是專登將下層升高隔開啲濕氣、防潮通風呀!而啲窗口就叫做牛眼窗🐮

入屋個門口，簡單但雅致，而為左唔同人可以參觀到，仲特登係古蹟旁邊設計左條斜路，方便之餘又可以畀大家睇埋日落呀🌄!

另外，有2個小門係直接通去地下室，大家參觀時可以搵下👀!(下圖及文頂右圖)

其他




前往路線🏃

就係VTC職業訓練局青年學院(薄扶林)隔離




行程安排小提議


牧場本身唔大，連埋參加導賞、自行參觀加拍照📷，1小時已經足夠!


依個前身都係牛棚黎架，依家連埋伯大尼修院屬於演藝學院!👀
變成咗香港演藝學院伯大尼劇院!    


建議可以一併參觀埋旁邊嘅伯大尼修院，都係法定古蹟，1875年建成😃

  • 公眾只可以在教堂及相關宗教場所外的地方參觀，教堂內部只供已預約婚禮或演藝學院相關人士使用

  • 題外話，唔係教徒都可以預約黎結婚
  • 小教堂是香港唯一新哥德式教堂
  • 伯大尼博物館免費導賞團可以參考此文金銀島BLOG
  • 伯大尼博物館門票👉門票 (根據上BLOG，11月門票會16/10發售)





 
仲可以考慮遊覽香港大學 賞．識港大歷史建築


🤗大家仲可以欣賞到成百年前的建築，實在有賴團體及有心的村民同人士出力分享及保育架，希望大家多多去認識香港舊時呀!💓


2022年11月拍攝

資料/部份圖片來源: 👉薄鳧林牧埸官網 👉香港歷史文物保育活化 👉古物古蹟辦事處

👉伯大尼小教堂(演藝)

＃李．不用做